Ысык-Көлдөгү “Ала-Тоо” эс алуу жайы Саламаттыкты сактоо министрлигинин карамагына өттү. Бул тууралуу министрликтин басма сөз кызматы билдирди.

Маалыматка ылайык, бул өлкөдөгү медицина кызматкерлеринин эмгек шарттарын жакшыртуу жана ден соолугун чыңдоо максатында жасалды. 

“Ала-Тоо” эс алуу жайы 1974-жылы курулган. Эс алуу үйүнүн жер тилкесинин аянты 24,76 гектарды түзөт. Аймак жашылдандырууну талап кылат. 

"Белгиленгендей, санаторий абдан эски болгондуктан, ал жердеги коттедждерди бузуп, жаңы имараттарды куруу зарыл. Жетекчиликтин айтымында, миң орундуу жаңы имараттарды куруу пландалууда". 

Эске салсак, 2023-жылы эс алуу үйү президенттик администрацияга өткөн.