2020-жылы Кыргызстанда 207.5 чакырым жол оңдоп-түзөөдөн өткөрүлдү. Бул тууралуу Транспорт жана жолдор министри Бакыт Бердалиев билдирди. 

Министр: Түндүк-түштүк альтернативдүү жолу 70 пайызга бүткөрүлдү

Анын айтымында, жасалган иштер үстүбүздөгү жылдын бюджетинен жана капиталдык салымдардын эсебинен алынган. 

Үстүбүздөгү жылдын эсебинен 11.8 км жол жана капиталдык салымдардын эсебинен 195.7 км жол оңдоп-түзөөдөн өткөрүлдү. Ошону менен бирге эле башкы объектердин — 17.9 км жолу, Балыкчы — Корумду — 22.5 км, райондук борборлордун — 155.3 км жолу жасалды.