Ушул жылдын биринчи жарымында Кыргызстандын бюджетине салыктык эмес төлөмдөр 21,6 млрд сом болду. Ошол эле учурда кирешенин жалпы көлөмүндөгү алардын үлүшү 3,1%га көбөйдү, деп жазды Улуттук статистикалык комитет.

Бюджеттен чогулган каражаттардын жалпы көлөмүндөгү алардын үлүшү 23,4%ды түздү.

Салыктык эмес төлөмдөрдүн көлөмү товарларды сатуудан жана кызмат көрсөтүүдөн түшкөн кирешелердин эсебинен 42,2% же 9 млрд 104,2 млн сом, ал эми мүлктөн жана пайыздардан түшкөн кирешелер 39,9%, же 8 млрд 614,8 млн сом болду.

Товар сатуудан жана кызмат көрсөтүүдөн түшкөн кирешенин негизги суммалары - 4 миллиард 657,7 миллион сом - билим берүү жана маданият боюнча акы төлөнүүчү кызматтардан, ал эми мүлктөн жана пайыздан түшкөн киреше - 6 миллиард 738,2 миллион сом - дивиденддерден жана пайданын эсебинен алынган.