Медициналык беткап жана медициналык коргонуучу каражаттардын бардыгы тең дүйнө жүзүндө дефицит болуп жатат. Бул тууралуу вице-премьер-министр Эркин Асрандиев 26-мартта өткөн маалымат жыйында билдирди. 

Республикалык штаб ишкерлер үчүн насыя жана салык каникулдарын берүүнү караштырып жатат

«Медициналык беткап жана медициналык коргонуучу каражаттардын бардыгы тең бир гана Кыргызстанда эмес, дүйнө жүзүндө дефицит болуп атат. Медициналык каражаттарды өндүрүучү сыръё дагы дүйнө жүзү боюнча жетишсиз болуп атат. Бул бир гана Кыргызстандагы маселе эмес. Учурда Америкада дага ымедициналык беткаптын тартышытыг күч» - , деп айтты Эркин Асрандиев. 

Республикалык штаб өзгөчө абал бир айдан ашык убакытка созулуп кетсе, мындан аркы иш-аракеттер кандай болот деген суроонун үстүндө иштеп жатат. 

«Эгерде абал бир айдан ашык убакытка узарып кетсе, калктын социалдык аялуу катмарына биринчи медициналык жана социалдык жардам көрсөтүү боюнча план түзүп жататбыз» - , деп кошумчалады вице-премьер-министр. 

Асрандиев: Жарандардан дүрбөлөң түшпөөнү өтүнөбүз, өлкөдө азык-түлүк жетиштүү

Эске сала кетсек, коронавирус инфекциясынын өлкө аймагына кирүүсүн алдын алуу жана жайылышына жол бербөө боюнча республикалык штаб КР өкмөтү тарабынан түзүлгөн.