Түз инвестициялардын көлөмү КМШ өлкөлөр ичинде 2018-ж биринчи жарым жылдыгына салыштырмалуу 1.6 эсеге кыскарган. Россиядан келген инвестиция 1.7 эсеге, Казакстандан келген инвестиция 1.5 эсеге азайган.  Бул тууралуу  КР Улуттук статистика комитети билдирет. 

Ал эми Өзбекстандан келген инвестиция 1.3 эсеге көбөйгөн. 

2019-жылы, өткөн жылга салыштырмалуу түз инвестициялардын көлөмү Ысык-Көл областына 22.1 эсеге, Ош шаарына – 3.4 эсеге, Жалал-Абад областына – 2.2. эсе, Чүй областына – 1.8 эсе көбөйгөн. Ал эми калган областтарга келген инвестициянын саны азайган. 

КМШ өлкөлөрүнөн сырткары келген түз инвестициялардын саны 2018-жылдын, 1 жарым жылдыгына салыштырмалуу 1.8 эсеге көбөйгөн. Канададан өткөн жылга салыштырмалуу 0 8.9 эсеге, Кытайдан – 1.9 эсеге, Нидерландиядан – 1.4 эсеге, Улуу Британиядан – 4.6 эсеге көп инвестиция түшкөн. 

Кыргызстанга келген түз инвестициялардын көлөмү боюнча Кытай – 46.2% менен алдыңкы орунда турат. Башка мамлекеттерден келген инвестиция төмөнкү көрсөткүчтөргө ээ: Улуу Британия– 16.4%, Канада – 11.2%, Нидерландия– 8% жана Турция– 4.4% .