Россиядагы өзбекстандык мигранттарга 14-майдан тарта каржылай жардам көрсөтүлө баштайт. Өзбекстандын Москвадагы элчилиги жана консулдугу аркылуу бир жолку материалдык жардам берилет.

Бириккен Араб Эмиратындагы мекендештерге элчиликтен 5 млн сом бөлүнгөн

Расмий маалыматтарга караганда, акча мамлекеттик бюджеттен эмес, элчиликтин кайрымдуулук эсебине түшкөн каражаттан алынат.

Жардам майыптарга, эки же андан көп баласы бар аялдарга, кош бойлуу аялдарга, COVID-19 диагнозу коюлган кишилерге, күндүзгү бөлүмдө окуган студенттерге берилет.

Акчалай жардам Россиядагы минималдык эмгек акынын өлчөмүндө болот.

Каржылай көмөк алуу үчүн «Мехр» порталына арыз менен кайрылуу керек.