Турциянын башкы авиакаттамы Turkish Airlines эл аралык каттамдарды 28-майга чейин жүргүзбөйт. Бул тууралуу ТАСС порталы компаниянын башкы директору Биляль Экшинин билдирүүсүнө таянуу менен жазып чыкты.
«Биз бул канчалык кыйын экенин билебиз. Бирок, бул эпидемияны жеңүү үчүн аягына чейин чыдашыбыз керек. Тилекке каршы, токтотулган ички жана эл аралык катамдарды 28-майга чейин узартабыз», — деп жазган ал өзүнүн Твиттер баракчасына.
Турциянын президенти Реджеп Тайип Эрдоган 27-мартта өлкөдөгү жашоочуларга коронавирустун жайылышын ооздуктоо боюнча жаңы чараларды жарыялаган. Алардын бири катары ал эл аралык авиакаттамдарды токтотуу керектигин билдирген.
Материалды башка сайтка көчүрүү, “редакциянын уруксаты жана маалымат “булагынын” гипершилтемесине таянуу менен жасалууга тийиш
