«Айыл чарбасын каржылоо – 8» долбоорунун алкагында дыйкандарга жеңилдетилген насыялар бериле баштайт. Бул тууралуу «Кабар» агенттигинде өткөн маалымат жыйында айыл чарба, тамак-аш өнөр жайы жана мелиорация министринин орун басары Жаныбек Керималиев билдирди.

Асрандиев облустардагы ыйгарым укуктуу өкүлдөрдүн катышуусу менен жыйын өткөрдү

Анын айтымында, долбоордун өзгөчөлүгү 11 айыл чарба продукциясына артыкчылык берилип, «Айыл чарба продукциясын кайра иштетүү» тармагына пайыздык үстөк жылына 6% белгиленген.

«Дыйкандар насыяларды эки мамлекеттик жана үч коммерциялык банктардан ала алат», - дейт ал.

Керималиев маалымдагандай, насыялардын суммасы:

1. «АЧК – Фермер»: 150 миң сомго чейин 18 айга чейинки мөөнөткө, күрөөсүз негизде каржылоо, 150 миң сомдон 400 миң сомго чейин 36 айга чейинки мөөнөткө.
2. «АЧК – Кластер» – 400 миң сомдон 10 млн сомго чейин, 36 айга чейинки мөөнөткө;
3. Тамак-аш жана кайра иштетүүчү өнөр жай ишканаларына негизги каражаттарды сатып алууга – 1 млн сомдон 50 млн сомго чейин, 60 айга чейинки мөөнөткө жана жүгүртүү каражаттарына – 36 айга чейинки мөөнөткө берилет.

«Айыл чарбасын каржылоо - 8» долбоору кошумча нарк чынжырчасын жана айыл чарба класстерин киргизүү ыкмасын колдонгондорду жеңилдетилген шартта каржылоого багытталган.