9-сентябрдагы сооданын жыйынтыгында "Манас" аэропортунун акциясынын баасы бир баалуу кагазга 335 сом деңгээлинде болгон. Бул тууралуу Кыргыз фондулук биржасынын сайтында маалымдалды.

Өткөн бейшембидеги аукциондо компаниянын баалуу кагаздарын сатуу боюнча үч бүтүм жасалды. Натыйжада 453 акция 151 миң 755 сомго сатылды.

Белгилей кетсек, бир күн мурун, 8-сентябрда баалуу кагаздардын баасы 330 сомдон 350 сомго (+ 6%) чейин болгон. Акыркы келишимде аэропорттун акциялары 4,3%га артка кеткен.