Сентябрда 1 млрд 650 млн сомго мамлекеттик баалуу кагаздарды чыгаруу пландалууда

2019-жылдын сентябрында 1 млрд 650 млн сомго мамлекеттик баалуу кагаздарды чыгаруу пландалууда. Бул тууралуу Финансы министрлиги маалымдайт. 

Мамлекеттик казынада чыгарылган баалуу кагаздардын жалпы көлөмү 550 млн сомду түзөт. 
Жүгүртүү мөөнөтү 3-7 жыл.  Бир купонго болгон ставка 5-7% түзөт. Аукцион 2019-жылдын 5, 12, 19 жана 26-сентябрында жүргүзүлөт.

Мамлекеттик казыналык векселдер – кыска мөөнөттүү, пайызсыз (дисконттук) мамлекеттик баалуу кагаздар (жүгүртүү мөөнөтү: 1 айдан 12 айга чейин). Бир МКВнын номиналдык наркы 100 сомго барабар.

Мамлекеттик казыналык облигациялар – узак мөөнөттүү (1 жылдан ашуун), пайыздык кирешеси (купону) бар мамлекеттик баалуу кагаздар.