Израилдин Элчиси Лиат Вексельман айымдан ишеним грамоталарынын көчүрмөсү КР ТИМге жөнөтүлдү

13 февраля 2020, 09:50

2020-жылдын 12-февралында Кыргыз Республикасынын Тышкы иштер министринин орун басары Нурлан Абдрахманов Израиль Мамлекетинин Элчиси Лиат Вексельман айымдан Ишеним грамоталарынын көчүрмөсүн кабыл алды.

Жолугуушу учурунда тараптар кыргыз-израиль кызматташтыгы жана соода-сатык, инвестиция, медицина, туризм жана билим берүү тармагындагы өз ара иштешүү тууралуу көйгөйлүү маселелерди талкуулашты.

Кыргыз Республикасынын Тышкы иштер министринин орун басары Н.Абдрахманов Элчи Л.Вексельманды Кыргыз Республикасындагы жаңы дипломатиялык миссия менен куттуктап ийгиликтерди каалады. Элчи өз кезегинде жылуу кабыл алуу үчүн ыраазычылыгын билдирип, эки тараптуу мамилелерди жана өз ара пайдалуу кызматташтыкты өнүктүрүү үчүн болгон күчүн жумшаарын билдирди.