«АБН» облигациялар боюнча төлөнгөн кирешени жарыялады

"АБН" микрофинансылык компаниясы биринчи пайыздык мезгил үчүн төртүнчү эмиссиянын бешинчи траншынын облигациялары боюнча төлөнгөн кирешесин жарыялады. Бул тууралуу Кыргыз фондулук биржасы билдирди.

Ал эми чегерилген кирешенин суммасы 880,1 миң сомду түздү. Алар 54 облигация ээлеринин ортосунда бөлүштүрүлгөн.

Анын ичинен 47 киши 869,3 миң сомдук төлөмдөрдү алышкан. Калган 7 облигациянын ээлери каражат ала элек.