Аэропорттон Бишкекке арзан автобус каттай баштайт

“Манас” аэропортунан Бишкекке жана кайра артка экспресс каттамдар жүрө баштайт. Бул тууралуу “Кабар” агенттигиндеги маалымат жыйынында Кыргызстандын туризмди өнүктүрүүнү колдоо фондунун президенти Елена Калашникова билдирди.

Анын айтымында, автобустар ушул айдын аягына чейин каттамга чыгат.

“Башка коомдук транспорттордон айырмасы, экспресс каттамдар бир гана жүгүртмөгө ылайык жана эч токтоосун жүрөт. 18 орундуу автобустардын жүрүү акысы 150 сом болот. Эки айдан кийин билеттерди онлайн сатып алса болот. Ыңгайлуу транспорт күнү-түнү жарым сааттык интервал менен жүрөт. Сиз аларды "Go bus" деген жазуу аркылуу тааный аласыз”, - деди ал.