«Айыл Банк» ислам принциптерине ылайык иштөө укугуна ээ болду

“Айыл Банк” ачык акционердик коому мындан ары кардарларын ислам принциптерине ылайык каржылап, тейлей алат. Бул үчүн банк тийиштүү органдан уруксат алды. 

Кечээ, 26-октябрда Улуттук банк башкармасы “Айыл Банкка” улуттук жана чет элдик валюталарда каржылоонун исламдык принциптерине ылайык “Ислам терезеси” аркылуу банк операцияларын жүргүзүү укугуна лицензия берди.

Кошумчалай кетсек, исламдык каржылоо принциптери киреше менен чыгашаны бөлүштүрүүнү, пайызга тыюу салууну, акча алмашуу каражаты жана нарктын өлчөмү болуп саналат.