Алай районунда 65 млн сомдук жер мамлекетке кайтарылды
Ош облусунун Алай районундагы 65 млн 350 миң сомду түзгөн жай мамлекетке кайтарылды. Бул тууралуу УКМК билдирди.
Маалыматка ылайык, мурдагы “Гүлша-автобекети” мыйзамсыз менчиктештирилген. Анын акцияларынын 70%ы, жалпы аянты 0,42 гектарга жакын жер тилкесин жана 135 чарчы метрди түзгөн административдик имараты сатылган.
Сатып алган тарап аны коомдук базар катары иштетип келген.
0,42 гектар жер тилкеси менен борбордук автобекет жана 135,0 чарчы метрди түзгөн административдик имарат ыктыярдуу түрдө мамлекетке кайтарылды.