Баткенде дагы 35 үй пайдаланууга берилди

Баткендеги куралдуу кагылышта жарактан чыккан үйлөрдүн ордуна жаңы үйлөрдүн курулушу аяктоо алдында турат. Бул тууралуу Президенттик аппараттын маалыматтык саясат кызматынын башчысы Дайырбек Орунбеков "Фейсбук" баракчасына жазган.

Анын айтымында, кечээ, 2-февралда 35 үй тапшырылды. 

“Ушул жумада 15 үй даяр болот. Иш башкаруучусу Каныбек Туманбаев үйдүн кожоюндарына 100 000 сом акча каражатын тапшырды”, - деп жазган Орунбеков. 

Эскерте кетсек, буга чейин 30 үй жабыркаган үй-бүлөлөргө тапшырылган.