Он бир айда Өзбекстанга 1,6 млн кыргыз туристтери барды

Быйыл январь-ноябрь айларында Кыргызстандан Өзбекстанга 1 млн 600 миңден ашык турист келген. Бул тууралуу Өзбекстандын Экология, курчап турган чөйрөнү коргоо жана климаттык өзгөрүү министрлигинин алдындагы Туризм комитетинин башчысы Жамшид Газиев билдирди.

Анын айтымында, Өзбекстан менен Кыргызстан туризмдин көп багыттары боюнча кызматташып келет. 

“Алардын арасында бүткүл Борбордук Азия боюнча чет элдиктер үчүн айкалышкан туристтик маршруттарды уюштуруу бар. Өзбекстан менен Кыргызстандын жарандары үчүн туризмдин зыярат, медициналык, гастрономиялык, экотуризм, шопинг туризми жана башка түрлөрү жыл сайын популярдуу болуп баратат”, - деп айтылат маалыматта.