Бишкек шаарынын мэриясы ишкерлерге 500 миң сомго жакын айып салды

Сегиз күн ичинде санитардык талаптарды аткарбай ишмердүүлүгүн жүргүзүп келген ишкерлерге 467 миң сом айып салынды. Бул тууралуу Бишкек мэриясынын басма сөз кызматы билдирди. 

Тиешелүү текшерүүлөрдү райондук акимиаттар, Мамлекеттик санитардык-эпидемиологиялык көзөмөл борборунун, ӨКМ, ШИИБ, мэриянын санитардык-экологиялык инспекциясынын кызматкерлери жүргүзүшкөн. 

19-майдагы кечки маалымат боюнча, мобилдик топ 8 күн ичинде 4 миңге жакын ишкананы текшеришип, 212 протокол түзүшкөн. 

 

• Биринчи май районунда 67 миң сомго 27 протокол түзүлгөн; 
• Ленин районунда 102 миң сомго 42 протокол түзүлгөн; 
• Свердлов районунда 125 миң сомго 33 протокол түзүлгөн; 
• Октябрь районунда 70 миң сомго 28 протокол түзүлгөн; 
• Бишкек шаарынын мамлекеттик санитардык - эпидемиологиялык көзөмөлдөө борбору тарабынан 103 миң сомго 82 протокол түзүлгөн. 

Андан сырткары мэриянын экологиялык инспекциясы 188 мин сомго 46 протокол түзгөн.