Бишкекте жаш мугалимдерди колдоо программасы ишке ашат
Жаш адистерди колдоо жана шыктандыруу максатында Бишкек шаардык бийлиги “Жаш мугалимдин депозити” социалдык программасы башталганын жарыялады. Ал мугалимдерди материалдык жактан колдоонун ишенимдүү системасын өнүктүрүүгө багытталган.
Бул демилгенин алкагында 2024-жылдан 2027-жылга чейин үч жыл аралыгында борбор калаанын жалпы билим берүү мекемелеринин 58 жаш мугалимине каржылык колдоо көрсөтүлөт. Бул максаттарга жергиликтүү бюджеттен жылына 7 млн 650,5 миң сом бөлүү пландалууда.
Жаш мугалимдерге колдоо көрсөтүү үчүн каражаттын бөлүштүрүлүшүн Билим берүү башкармалыгы көзөмөлдөйт.