«Бишкексүт» ишканасы акционерлерге 347 млн сомдон ашык дивиденд төлөйт

“Бишкексүт” ААК баалуу кагаздар боюнча кирешелердин чегерилгенин жарыялады. Бул тууралуу Кыргыз фондулук биржасынын басма сөз кызматы билдирди.

Маалыматка ылайык, 1 баалуу кагаздын баасы 118,19 сомду түзөт. Ал эми баалуу кагаздардын саны 2 миллион 941 миң 416 даана.

Ошентип, дивиденддердин жалпы суммасы 347 миллион 645 миң 957,04 сомду түзөт. Биржанын маалыматы боюнча, баалуу кагаздардын ээлеринин саны 249 адам.

Эске салсак, “Бишкексүт” ААКнын акциялары боюнча киреше 13,52%га азайган.