«Бишкексүт» аудитордук компанияга 16 миң доллардан ашык төлөйт

Былтыр 2022-жылдын 27-декабрында “Бишкексүт” ААК акционерлеринин жыйынтыктоочу чогулушу болуп, анда бир катар чечимдер кабыл алынган.  Бул тууралуу Кыргыз фондулук биржасынын басма сөз кызматы билдирди.

Маалыматка ылайык, жыйынга акционерлердин 96,4%ы катышып, анын жүрүшүндө Эсептөө комиссиясынын сандык жана жеке курамы бекитилген. Ошондой эле:

• финансылык абал жөнүндө жылдык отчет (жылдык баланс), жалпы киреше жөнүндө отчет (пайда жана чыгым жөнүндө отчет);
• 2022-жылга жылдык бюджет;
• текшерүү комиссиясынын корутундусу;
• аудитордук уюмдун отчету;
• 2021-жылга дивиденддердин өлчөмү жана төлөө күнү;
• “Бишкексүт” ААК аудитордук уюму жана кызмат көрсөтүүлөр үчүн төлөмдүн суммасы (16,5 миң доллар).

Мындан тышкары директорлор кеңешинин жаңы мүчөлөрү; Максим Михайлов, Александр Кашин, Татьяна Корзун, Наталья Поликарпова, Миргүл Адиева шайланып, ошол эле учурда Алексей Трифоновдун ыйгарым укуктары токтотулду.