Бишкекте «Манас» театрынын жаңы корпусу ачылды

Бишкекте “Манас” улуттук театрынын жаңы имараты ачылды. Бул тууралуу Маданият, маалымат, спорт жана жаштар саясаты министрлиги билдирди.

Министр Алтынбек Максүтов учурда театрда 120 манасчы, акын, дастанчы эмгектенип жатканын, бирок дагы кызматкерлер алынарын айтты.

“Театрдын ачылышы башталышы гана, бул административдик имарат. Эми 3 миң көрүүчүгө ылайыкталган залдар курулат”, - деди министр Алтынбек Максүтов.

Белгилеп кетсек, “Манас” театры Маданият, маалымат, спорт жана жаштар саясаты министрлиги тарабынан каржыланат.