Борбордук аянтка аскер техникалары орнотулду

Бишкек шаарындагы борбордук Ала-Тоо аянтына аскерлер, аскер техникалары келди.  Ошондой эле жүздөгөн формачан милиция кызматкерлери топтолду.

Борбор калаага комендант болуп дайындалган Алмаз Орозалиев бул кадимки эле  саптык тизилүү-бөлүштүрүү эле экендигин билдирди. 

«Өзгөчө абал киргизилген. Элдик кошуун менен бирге кадимки эле саптык тизилүү-бөлүштүрүү эле өткөрүп жатабыз. Элге ок атып же элди кубалап таратуу максатыбыз жок. Бул жерден бөлүштүрүлүп шардагы коопсуздукту  камсыздоо үчүн жөнөтүлөт.

Ал эми аскер техникасы менен аскерлер кайгуул жүргүзүшөт коменданттык саат учурунда», – деди Орозалиев.