Быйыл Таласта 3 миң түп карагай отургузулат

Быйыл Таласта 2000 даана көк карагай жана 1000 түп карагайдын көчөттөрүн отургузуу пландалууда. Бул тууралуу Айыл чарба министри Аскарбек Жаныбековдун аймакка иш сапарынын алкагында белгилүү болду.

Маалыматка ылайык, министр Талас токой чарбасынын күнөсканасына барды.

Дүйнөлүк банк жана Глобалдык экологиялык фонд тарабынан каржыланган күнөскана Токой экосистемаларын комплекстүү башкаруу долбоорунун техникалык колдоосу менен курулган. Жалпы аянты 200 чарчы метр түзөт.

Бул жерде былтыр күз айларында сыноо иретинде 1600 роза гүлүнүн жана 650 жаш көк карагайдын көчөттөрү отургузулган.