Депутат: кичи жана орто бизнеске мамлекеттик деңгээлде көңүл бурулушу керек

Өлкөдө кичи жана орто бизнеске мамлекеттик деңгээлде көңүл бурулушу керек. Бул тууралуу депутат Нурбек Тотонов транспорт, коммуникация, архитектура жана курулуш комитетинин жыйынында билдирди. 

Анын айтымында, бүгүнкү күндө өкмөт кичи ишкерликти ачуу үчүн уруксат кагазын берүү процессин оптималдаштыра албай жатат. 

«Ишкерлер бюрократия көйгөйүнө кабылып, салык кирешелер кыскарып, мамлекет чыгымга учурап жатат. Эгерде өкмөт бул маселени чече албаса, анда кантип ири ишканаларды өнүктүрүү жөнүндө сүйлөсөк болот», — деп кошумчалады Тотонов.