Депутат инвесторлор үчүн туристтик визаларды узартууну сунуштады

Парламенттин жыйынында депутат Карим Ханжеза инвесторлор үчүн туристтик визаны узартууну сунуштады. 

Анын айтымында, Кытайдан чакыруусу жок туристтик виза менен келген инвесторлор келүү мөөнөтүн мыйзамдуу түрдө узарта албай, өлкөдөн чыгып кетүүгө аргасыз болушууда. 

“Мындай ыңгайсыздыктардан улам көбү өлкөгө кайтып келбейт. Алар мигранттар жана инвесторлор үчүн жөнөкөйлөштүрүлгөн шарттар менен Өзбекстан менен Казакстанга инвестиция салганы жатышат”, - деди депутат.

Тышкы иштер министрлигинин өкүлү учурда бул маселе каралып жатканын айтты.