Өлкөдө жыл аягына чейин QR коддор менен төлөө функциясы ишке кирет

Банктар, ошондой эле мобилдик тиркемелери бар төлөм системасынын операторлору жана төлөм уюмдары 2022-жылдын 31-декабрына чейин QR кодун колдонуу менен төлөмдөрдү жүргүзүү кызматын көрсөтүүнү камсыз кылууга тийиш. Тиешелүү өзгөртүүлөрдү Улуттук банк башкармасы киргизди.

Мындан тышкары, коммерциялык банктар жана төлөм уюмдары соода жана тейлөө уюмдарында QR код менен төлөө мүмкүнчүлүгүн камсыз кылуусу, ошондой эле кардарлар менен түшүндүрүү жана маалыматтык иштерди жүргүзүүсү зарыл.

Мындан тышкары, Улуттук банк QR кодду колдонуу менен төлөмдөрдү жүргүзүүдө коопсуздук чараларын иштеп чыккан:

• төлөмдү ырастоодон мурун, төлөмдүн реквизиттерин (которуу суммасы, алуучунун аты ж.б.) текшерүү;
• эгерде бул функциялар ишке ашырылса, пин коддорду, чектерди колдонуу;
• туш келди табылган QR коддорун же керексиз билдирүүлөрдү сканерлебөө.