Каржы министрлиги бюджетке 750 млн сом тартууну пландоодо

3-4-февралда мамлекеттик баалуу кагаздарды жайгаштыруу боюнча аукциондор өткөрүлөт. Бул тууралуу Улуттук банктан билдиришти.

Финансы министрлиги мамлекеттик баалуу кагаздарды жайгаштыруунун эсебинен тартууну пландап жаткан жалпы сумма 750 млн сомду түзөт. Алсак, 10 жыл болгон казыналык облигациялардан бюджетке 700 млн сом, 12 ай болгон мамлекеттик векселдердин эсебинен дагы 50 млн сом түшөөрү күтүлүүдө.

Кошумчалай кетсек, 1-февралга карата Кыргызстандын 10 жыл болгон облигациялар линиясы боюнча милдеттенмеси 17 млрд 347,9 млн сомду түзөт.