Өткөн 11 айда Кыргызстандын мамлекеттик бюджетинин кирешеси 2020-жылдын көрсөткүчүнөн 40%га өстү

2021-жылдын 11 айынын жыйынтыгы боюнча Кыргызстандын мамлекеттик бюджетинин кирешеси алдын ала маалыматтар боюнча, 182 млрд 835 млн 660,3 миң сомду түздү. Мындай маалыматтарды Кыргызстандын Финансы министрлиги келтирди.

Анын 89,14%ы же 162 млрд 981 млн 418,9 миң сому республикалык бюджеттин киреше бөлүгүн түзөт.

Белгилей кетсек, бир айда мамлекеттик бюджеттин кирешеси 11,49%га же 18,8 млрд сомго өскөн, ал эми 2020-жылдын ушул мезгилине салыштырмалуу бир эле учурда 40%га, же 52,2 млрд сомго көп.