Мамлекеттик бюджеттин кирешеси жети айда 157,7 млрд сомду түздү

Ушул жылдын январь-июль айларында мамлекеттик бюджеттин кирешеси 157 миллиард 707 миллион 608,8 миң сомду түздү. Бул тууралуу Каржы министрлигинин бюджеттин аткарылышы боюнча отчетунда айтылат.

Бюджеттин кирешелеринин негизги бөлүгүн салыктык кирешелер түздү. Ал 122 миллиард 248 миллион 831,8 миң сому түздү. Анын ичинен Мамлекеттик салык кызматы 84 миллиард 958 миллион 8469 миң сом, Мамлекеттик бажы кызматы 37 миллиард 289 миллион 984,8 миң сом чогулткан.

Кошумчалай кетсек, июль айында мамлекеттик бюджеттин кирешеси 22 миллиард 238 миллион 921,1 миң сом өлчөмүндө түзүлдү.