Январда Мамлекеттик бюджеттин кирешеси өткөн жылдын ушул мезгилине салыштырганда дээрлик 60%га өстү

Үстүбүздөгү жылдын январь айында Кыргызстандын мамлекеттик бюджетинин кирешеси 2021-жылдын январына карата 59,3%га көбөйгөн. Мындай тыянактарды ​​Каржы министрлиги тарабынан берилген маалыматтардын негизинде жасоого болот.

Январь айында Кыргызстандын мамлекеттик бюджетинин кирешеси 17 млрд 403,3 млн сом өлчөмүндө түзүлдү. Аны менен бирге эле өткөн жылдын ушул мезгилинде казынага 10 млрд 921,5 млн сом түшкөн. Муну менен айырма 6 млрд 481,8 млн сом өлчөмүндө болду.

Кошумчалай кетсек, үстүбүздөгү жылы кирешенин өсүшү салыктык түшүүлөрдүн 78,6%га өсүшү менен камсыздалган.