Кыргызстанда почта жана курьердик кызмат көрсөтүүлөр азайды

Кыргызстанда үч айда байланыш кызматын көрсөтүүдөн 7,1 млрд. сом киреше алынды. Бул тууралуу Улуттук статистикалык комитет билдирди.

Белгилей кетсек, өткөн жылдын ушул мезгилине салыштырмалуу бул 9,4%га көп. Бирок, почта жана курьердик кызмат көрсөтүүлөрдөн түшкөн киреше 1,1%га азайып, 234,8 млн. сомду түздү.

Эске салсак, буга чейин Жогорку Кеңештин 19-апрелдеги жыйынында “Кыргыз почтасы” ишканасынын башкармалыгынын төрагасы Марат Черикчиев ишкананын кирешеси төмөн экендигин айткан. Ишкана 2022-жылы 160 миң сом киреше тапкан.