Кыргызстандын Европа Биримдигине экспорту бир жылдын ичинде 17,2% га өстү

Быйылкы жылдын январь-август айларында Кыргызстандын Евробиримдикке экспорту 30,5 млн долларды түздү. Бир жылдын ичинде жеткирүү 17,2%га өстү, деп билдирди ЕЭК.

Кыргызстандын экспортунун дээрлик 70% Германияга (9,4 миллион доллар), Италияга (7,3 миллион доллар) жана Бельгияга (4,5 миллион доллар) туура келет.

Отчеттук мезгил ичинде Ирландияга экспорт болгону 1,1 миң доллар, Швеция 2,9 миң доллар жана Мальта 3,5 миң доллар болгон.