Кыргызстандын ЕАЭБге болгон экспорту 17.4% төмөндөгөн

Кыргызстандан Евразия экономикалык бирикмеге жөнөткөн экспорттун көлөмү, үстүбүздөгү жылдын январь-апрель айларында 164 млн 982 миң 214 долларды түздү. Бул тууралуу Евразия экономикалык комиссиядан билдиришти. 

 

Экспорттун басымдуу бөлүгү же 90 млн 626 миң 899 доллар Орусияга жөнөтүлгөн. Бул 2019-жылдын ушул эле мезгилине салыштырмалуу 3.1% аз болгон. 

Жалпысынан Кыргызстандан ЕАЭБге болгон экспорттун көлөмү 17.4% төмөндөгөн.