Кыргызстандагы дагы бир коммерциялык банк "МИР" карталарын тейлөөнү токтотту

FINCA Банк "МИР" карталарын тейлөө токтотулгандыгын жарыялады. Бул тууралуу банктын сайтында айтылат.

"2024-жылдын 1-мартынан тартып "Улуттук төлөм карт системасы" ААКсынын (МИР төлөм системасы) төлөм карталарын тейлөөнү токтото турганыбызды билдиребиз", - деп айтылат банктын билдирүүсүндө.

Кызмат төмөнкү каналдарда токтотулат:

• POS терминалдар;
• банкоматтар;
• P2P которуулар.

Белгилеп кетсек, бул ата мекендик банктардын "МИР" карталарынан баш тартуу чечими биринчи жолу эмес.