Бай болуунун сыры: Кантип акча топтосо болот

 «Акчабар» финансы порталы «Бай болуунун сырлары» -аттуу рубрика ачып, ссиздерге акча топтоо, жыйноо жана көбөйтүүнүн сырлары менен бөлүшөбүз. Алгачкы маегибизде «Кыргыз фондулук биржасынын» директорлор кеңешинин мүчөсү Алмаз Шабданов  менен маектешип, “Бай болуунун сырларын” ачкан маекти сунуштайбыз.

Ар бир эле адам бай болууну каалайт. Бирок, дүйнөдө 2% адам бай болуп, калган адамдардын баардык ресурстары ушул адамдарга чогулган. Эмнеге? Болгону, акчанын сырын билишпейт. Билсе дагы аткарышпайт. Ошондуктан, байышпайт. Бир гана Европанын айрым мамлекеттери калкынын сабаттуулугун 2% -10% чейин жогорулатууга жетишип, эли байышкан.  Ал эми Кыргызстанда азырынча ата мекендик өндүрүштү колдоп, узак убакытка инвестиция салып пайда көрүп, киреше табууну көпчүлүк билишпейт.

Бай болунун биринчи кадамы акчаны топтой билүү керек. Ал үчүн сиз көп акча табасызбы же азбы маанилүү эмес. Болгону, кирешенин 10% сактоону адатка айлантыныз.

Келечекти ойлосок финансалык билимге ар бир үй-бүлө мүчөсү ээ боолушу зарыл. Ошондуктан, ар бир адам финансалык сабатуулукка жетүү үчүн акчасын башкаруу билүүсү  керек. Ал үчүн акча кармоонун сырларын дайыма үйрөнүп туруу зарыл.