Финкөзөмөл MEGA акцияларынын чыгарылышынын жыйынтыгын тааныды

Өткөн аптада, 5-9-июнь аралыгында Каржы рыногун жөнгө салуу жана көзөмөлдөө кызматы төрт компаниянын акцияларын чыгаруунун жыйынтыгын тааныды.

Алардын арасында "Альфа Телеком" жабык акционердик коому (MEGA мамлекеттик оператору) бар. Тактап айтканда, Финансылык көзөмөл органы мамлекеттик оператордун жөнөкөй кцияларынын үчүнчү чыгарылышын мамлекеттик каттоонун жыйынтыгын тааныды.

"Мамлекеттик оператор акциялардын кошумча чыгарылышынан улам компаниянын уставдык капиталын көбөйттү", - деп түшүндүрдү Финансылык көзөмөл органыны "Акчабарга".

Эмиссиянын чоо-жайы ачыкталган жок.

Эске салсак, 2022-жылдын май айынан тарта "Альфа Телеком" ЖАКтын 100% акциясы Кыргызстандын Санариптик өнүктүрүү министрлигине өткөрүлүп берилген. Муну менен MEGA өзүнүн уставдык капиталын 8,7 миллиард сомго чейин көбөйттү.