Каржы министрлиги кезектеги мыйзамсыз ташылган күйүүчү майды кармады
Каржы полициясынын райондор аралык бөлүмүнүн кызматкерлери тарбынан, Талас облусунун ЖКККББ менен Бакай-Ата, Талас райондору жана Талас шаарында жүргүзүлгөн рейддик текшерүүлөрдө Mercedes-Benz Sprinter 313 үлгүсүндөгү күйүүчү майды мыйзамсыз ташыган автоунаалар кармалган.
Жүргүзүлгөн текшерүүдө, жүк ташыган автоунаада эч кандай уруксат кагаздары жок, 3 тоннага жакын күйүүчү май толтурулган пластикалык идиштер табылган.
Аталган автоунаалар жүк менен кошо айып пул төлөөчү жайга токтотулду.
Эске сала кетсек, премьер-министр Мухаммедкалый Абылгазиевдин чечими менен, Кыргызстанга 23-октябрдан тарта автоунаа менен КР территориясына нефти жана күйүүчү майды ташууга убактылуу тыюу салынган.