Ички дүң продукциянын көлөмү былтыр 900 млрд сомдон ашты
Былтыр өлкөнүн ички дүң өнүмү алдын ала эсептөөлөр боюнча дээрлик 919 миллиард сомду түзгөн. Бул тууралуу Улуттук статистикалык комитеттин төрагасы Бактыбек Кудайбергенов маалымат жыйынында билдирди.
Маалыматка ылайык, бул көрсөткүч 2021-жылдын ушул мезгилине салыштырмалуу 7%га өскөн.
Бактыбек Кудайбергеновдун айтымында ички дүң өнүмүнүн өсүшүнө тейлөө тармагындагы соода көлөмүнүн өсүшү таасир эткен.
“Кумтөр” ишканасын эсепке албаганда ИДӨнүн көлөмү болжолдуу түрдө 860 млрд сомду түзүп, 5,9%га өстү”,-деп айтылат маалыматта.