«Ички соода жөнүндө» мыйзамга өзгөртүүлөрдү киргизүү экинчи окууда кабыл алынды

Жогорку Кеңеш “Кыргыз Республикасынын айрым мыйзам актыларына (“Кыргыз Республикасындагы ички соода жөнүндө” мыйзамга жана Укук бузуулар жөнүндө кодексине) өзгөртүүлөрдү киргизүү тууралуу” мыйзам долбоорун экинчи окууда кабыл алды.

Мыйзам долбоорунун авторлору башка нерселер менен катар чекене соода түйүндөрүнө товарларды жеткирүүчүлөр тарабынан төлөнүүчү сый акынын өлчөмүнө дифференциялоону (ретробонус) киргизүүнү сунуштап жатышат.

Ошентип, социалдык маанидеги товарлардын тизмесине кирген тамак-аш азыктарынын бардык түрлөрү боюнча ретробонусту толугу менен алып салуу сунушталууда. Башка азык-түлүк товарлары үчүн жеңилдиктин өлчөмүн 5%дан ашпаган өлчөмдө белгилөө каралууда.

Азык-түлүк эмес товарлар үчүн 10% чегинде жеңилдиктин максималдуу өлчөмүн белгилөө пландалууда.