Министрлер кабинети «шайлоо комиссияларынын атайын каражаттары» деген түшүнүктү жойгусу келет
Жогорку Кеңештин 9-июндагы жыйынында депутаттар “Президентти жана парламенттин депутаттарын шайлоо жөнүндө” конституциялык мыйзамга өзгөртүүлөрдү киргизүү тууралуу” Кыргыз Республикасынын конституциялык мыйзамынын долбоорун экинчи окууда карашты, Бул тууралуу парламенттен билдиришти.
Мыйзам долбоорунун демилгечиси – Министрлер кабинети.
"Мыйзам долбоорунда Бюджеттик кодекстин ченемдерине карама-каршы келген "шайлоо комиссияларынын атайын каражаттары" түшүнүгүн алып салуу каралган. Кыргыз Республикасынын Бюджеттик кодексинин 105-беренесине ылайык шайлоо күрөөсүн атайын эсепке топтоо мүмкүн эмес. Мыйзам долбоорунда “атайын” деген сөз “депозиттик” деген сөзгө алмаштырылат” деп айтылат парламенттин маалыматында.
Мыйзам долбоору экинчи окууда добуш берүүгө жөнөтүлдү.