Артем Новиков чек арадагы өткөрүү пунктарын текшерүүнү улантууда

Чек арадагы товарларды өткөрүү системасын автоматташтыруу коррупциялык тобокелдиктерди кыскартат. Бул тууралуу премьер-министрдин м.а. Артем Новиков Нарындагы《Торугарт》өткөрмө пунктуна барганда билдирди. 

 

Өкмөт башчынын милдетин аткаруучу өткөрмө пунктун иши менен жана Бажы кызматынын маалымат тутуму менен таанышты. 

 

Анын айтымында, транспорттук каражаттарды фиксациялоо, эсепке алуу, анын ичинде транспорттук каражатты чек арадан өткөрүү аракеттери, номерлерин сканерлөө, бажы документтерин тариздөөдөн баштап, адамдык факторду четтетүү максатында аларды маалымат базасына киргизүү боюнча сын-пикирлер бар.

Андан сырткары, бажы кызматына бир жума ичинде товарларды автоматтык түрдө эсепке алуу, жүк декларациясында кол менен түзөтүүчү электрондук маалыматтардын бирдиктүү концепциясын иштеп чыгууну жана бул тутумду салмак көлөмдүк көзөмөлгө жана инспекциялык-текшерүү комплексине кошуусу тапшырылды.