Казакстан Кыргызстанга гумжардам жөнөтөт

Казакстан Кыргызстанга гуманитардык жардам катары 10 миң тонна ун жөнөтөт. Бул тууралуу Казакстан Республикасынын президентинин басма сөз катчысы Берик Уали өзүнүн «Фейсбук» баракчасына жазды.

Мындай чечимди Касым-Жомарт Токаев кабыл алган.

«Кыргыз Республикасы менен салттуу достук, союздаштык жана стратегиялык өнөктөштүк принциптерин жетекчиликке алып, президент Касым-Жомарт Токаев боордош кыргыз элине Казакстан элинин атынан гуманитардык жардам көрсөтүүнү чечти. 10 миң тонна ун коңшу өлкөгө жөнөтүлөт», - деп жазды басма сөз катчы.