Коммерциялык банктар насыяларды көбүнчө соода жана айыл чарбасын өнүктүрүүгө беришет

Улуттук банктын маалыматына ылайык, насыя портфелинин жалпы көлөмү апрелдин аягында 170 миллиард сомду түзгөн. Насыянын көпчүлүгү коммерциялык банктар тарабынан соода жүргүзүү үчүн берилген (45 миллиард 116 миллион 798 миң сом). 

Экинчи орунда дыйкандар - алардын насыялары 34 миллиард сомдон ашат. Үчүнчүсү - ипотекалык насыялар - 17,3 млрд сом.

Бардык насыя портфелдеринин эң азы өнөр жай (14 миллиард), транспорт (4 миллиард), кайра иштетүү (2 миллиард), байланыш (235 миллион сом) тармактарына берилген.