Комбанктар пенсия төлөөдөн дээрлик 900 миң доллар киреше табышты
Былтыркы жылы пенсияларды жана жөлөкпулдарды төлөө боюнча мамлекеттик чыгашалар 83 миллион 407 миң 954 сомду түздү. Бул маалыматтар Каржы министрлигинен белгилүү болду.
Анын 75 млн 803 миң сому коммерциялык банктар тарабынан пенсия жана пособиелерди төлөө боюнча кызмат көрсөтүүлөргө, дагы 7 млн 604,9 миң сому "Кыргызпочтасы" мамлекеттик ишканасынын кызмат көрсөтүүлөрүнө жумшалган.
Бул сумманын басымдуу бөлүгү республикалык бюджеттен (81,9 млн сом), 1,6 млн сому жергиликтүү бюджеттен төлөнгөнүн кошумчалайбыз.