Комбанктар валюта соодасында 3,4 млн доллар сатып алышты

Кечээ, 6-мартта коммерциялык банктар банктар аралык валюта аукциондорунда 3 миллион 410 миң доллар сатып алышты. Маалыматтар күнүмдүк соода статистикасында чагылдырылат.

Анын ичинен банктар 1 миллион 790 миң долларды бүтүм жасалган күндөгү эсептешүү менен, дагы 1 миллион 620 миң долларды бүтүм жасалган күндөн башка эсептешүүлөр менен сатып алышкан.

Соодалардын ачылышы жана жабылышы доллардын баасы менен 3-марттагы сооданын деңгээлинде – 87,42 сомду түздү.