Санариптик сомдун концепциясы министрлер кабинетине сунушталды

Кыргызстандын Улуттук банкы санариптик сомдун концепциясынын долбоорун министрлер кабинетине сунуштады. Бул тууралуу жөнгө салуучу органдан билдиришти.

Презентация 17-майда президенттик аппараттагы жыйында өттү.

Анын жүрүшүндө санариптик сомдун концепциясынын долбоорунун негизги жоболору, ишке ашыруунун жолдору, санариптик улуттук валютанын артыкчылыктары жана долбоорду ишке ашыруу мөөнөттөрү талкууланды.

Кошумчалай кетсек, буга чейин “Акчабар” Кыргызстанга санариптик сом эмне үчүн керек экенин, анын капчыгыбызга качан кирерин жана кандай иштей турганын өз материалында кеңири жазган.