Коомдук унаалар 10:00дөн 17:00гө чейин иштешпейт

Бишкекте коомдук унаалардын ишине өзгөртүүлөр киргизилет. Бул тууралуу өкмөт үйүндөгү маалымат жыйында Бишкек шаарынын мэри Азиз Суракматов билдирди.

 

Анын айтымында, коомдук унаалар иш кундөрү түшкү маал тыныгуу менен иштеп, дем алыш күндөрү такыр ишке чыкпайт.

«Коомдук унаалар – троллейбус, автобус жана кичи автобустар эртең мененки саат 07:00дөн 10:00гө чейин иштеп, саат 10:00дөн 17:00гө чейин тыным алышат. Андан кийин 17:00дөн кечки 21:00гө чейин иштешет. Ишемби жана жекшемби күндөрү каттамга чыгышпайт», - деди ал.