Депутат: Күйүүчү майды аткезчилик жол менен ташыгандардын «ак үй» же «көк үйдө» колдоочулары бар

«Күйүүчү майды аткезчилик жол менен эч ким ташыбайт болчу, эгерде колдоочулары «ак үй» же  «көк үйдө» отурбаса», - деп билдирди бүгүн, 11-ноябрда депутат Сайдулла Нышанов ЖК бюджет жана каржы комитетинин жыйынында.  

Эл өкүлүнүн айтымында, укук коргоо органдары дагы үлүштө отурушу мүмкүн. 

«Менде бул жаатта тажрыйба бар», - деп билдирди. 

Премьер-министр Мухаммедкалый Абылгазиев депутаттан «Сиздеги тажрыйба күйүүчү майды аткезчилик жол менен ташуудабы же  тескерисинче аны менен күрөшүүдөбү?» - деп сурады. 

Өкмөт башчы эми Казакстандан күйүүчү май ташылып келбесин билдирди.