«Кумтөр Голд Компани» жаңы туристтик агенттик издеп жатат

"Кумтөр Голд Компани" жабык акционердик коому туристтик агенттиктин кызматын көрсөтүүчүнү издейт. Бул маалыматты компания өзүнүн сайтына жарыялады.

Тандалган туристтик агенттиктин милдеттерине төмөнкүлөр кирет: авиа жана темир жол билеттерин, мейманканаларды тандоо, брондоо жана төлөө, Кыргызстандын чегинен тышкары которуулар, медициналык камсыздандырууну сатып алуу жана визалык колдоо.

Мындан тышкары, туристтик агенттик керектүү документтер, күбөлүктөрү жана жашаган жери боюнча каттоосу тууралуу актуалдуу маалыматтарды берүүгө тийиш.

Кошумчалай кетсек, Эсеп палатасы "КГК" ЖАК боюнча өзүнүн акыркы отчетунда компаниянын өзүнүн жүргүнчүлөрдү ташуу бөлүмү жана транспорт жана виза маселелери боюнча ыйгарым укуктуу кызматкери бар экенин белгилеген. Бул "Кумтөр Голд Компани" туристтик фирмалар менен келишим түзүүнүн зарылчылыгы жок дегенди түшүндүрөт.